قصيدة الاربعاء الدامي

شمسوين خاطر بينا هيج ايصير
وليش الابرياء الناس تتكتل

من اسنين جنه نعاني هذا الموت
وجنه نكول باجر كلشي يتبدل

اشو باجر يجينه وكلشي باقي وياه
نفس الموت باقي وبينه يتوغل

امس هذا البريء الكال يا الله
وبعد الفجر صلى وكام واتوكل

لكيته الظهر ميت والدماء تصيح
رب احفظ عراقي وكلشي نتقبل

يادين اليحلل هالقتل بالناس
ويادين اليخلي اشراف تتبهذل

ولك هذا الشريف المات هذا اليوم
باجر انت يمه تكوم تتوسل

ما هزك ضميرك ليش هالتفجير
وليش بلحظة وحدة الاف تتكتل

ولكن اعوج انت ودينك انت القوس
وعمرك هم شفتلك قوس يتعدل

شوف الكاع خجلت من نزيف الناس
وكلبها ال من صخر ما كدر يتحمل

و مو صوت انفجارك هد جسر بغداد
بس من الخجل هد روحه واتهدل

نزل غطى العراقي الكشفه الارهاب
ومنع شوفه جثثنا البيها يتمثل

لان طاهر شريف وكلبه ما ينطيه
يشوف الناس كلها مكشفه وتنذل

لتظن بانفجارك ماتت الاحرار
ولا موّت اهلنا الاجنبي المحتل

ولكن فعلتك حولت هاي الناس
من دار الظلم للملتقى الامثل

وملاك الجنة نزّل بيهم الرحمن
وربك هو اعلم بيك شاتنزّل
__________________

منقول ,,,

عاشت ايدج ياوردة الورد على النقل والاختيار الصحيح دوم الى الامام ان شاء الله

شكرا جزيلا لمرورك المميز

يسعدني ان تكون اول المارين على صفحاتي

انتي المبدعة دوم ودوم و اضيعج حلوة تحياتي الج

شكرا جزيلا كلامك وسام اعتز بي

تحياتي اليك اينما وجدت

تحيه واحترام وتقدير مني اليك

» ما جنه كبل نتفارك اني وياك,,, قصيدة غزل